Guwahati, May 12, 2025: India aro Pakistan a·song damgnini gisepo dakgrikengon, Pakistan-na chakgipa manderangko rim·a gimik May 11 tarik Robibar salo sak 53 gapaha ine Assam-ni Skotong Minister Himanta Biswa Sarma parakataha.

Re·anggipa April 22 tariko Jammu aro Kashmir a·dokni Pahalgam-o Pakistan a·songni bobil dolrang, Indiani manderangko skatang chadrape so·otahaoba, Pakistan a·songna chake, Pakistan jindabad ine je manderangan chakengachim, ua manderangko rim·aha ine Sarma aganaha.

Indiani sipairang Pakistan a·songo bobil dake chakatgipa manderangko sak 100 batpile so·otaha, Assam a·dokoba je manderangan Pakistan-na chakengachim, uamangni kosako rakgipa ja·kurangko de·enga ineba Sarma aganaha.

Assam a·dok gimikon dingtang dingtang Pulis unit-rang a·songtangni kosako re·gipa manderangko rim·enga. Indake ong·engon, Ajim-ko Karbi Anglong Pulis rim·aha, Hasinur-ko Dhubri Pulis rim·aha aro Abdul-ko Lakhimpur Pulis rim·aha, iarang gimikko man·chape gimik sak 53 manderangko a·songni niam gita da·o ong·enggipa obostani bidingo rim·e, Pulis custody-o donenga, ine Sarma parakataha.