Tura, Oct 19, 2024:West Garo Hills a·jani Nokmarangna Human Development Leadership Program-ni bidingo salsani workshop-ko Sukrobar salo Tura DRDA Conference Hall-o ong·atangaha.

Ia workshop-ko ong·atanio dingtang dingtang songni Nokmarang, West Garo Hills a·jani Deputy Commissioner Jagdish Chelani, West Garo Hills a·jani DRDA Project Director JRT Sangma aro dingtang dingtang department-ni officer-rang dongpae bak ra·angaha.
Ia workshop-ni bidingo West Garo Hills a·jani Deputy Commissioner, tom·anio bak ra·giparangna talatangengon, Human Development Leadership Program-ara nokdango pilak manderangni neng·nikanirangko namatna miksongani ong·a aro sorkarini kamrango Nokmarang baksa dingtang dingtang kamrangko chu·sokatna miksonganiba ong·a ine aganaha.

Ia workshop-ko ong·atanio, Agriculture, Horticulture, AH & Veterinary, MSRLS, DCIC, Education, PM Poshan, JJM, Health, Social Welfare aro uandakgipa dingtang dingtang department-rang, manderangni namgnina ra·gatgipa dingtang dingtang scheme aro program-rangni bidingo agan-talatanirangko on·angaha.

Indake, ia workshop-ko ong·atanio, Registration Branch, Certificate branch, DRDA, Judicial, Permissions, Disaster Management, Swachh Bharat Mission, Aadhaar aro uandakgipa kamrangni giminba agan-talate on·angaha.