Tura, Dec 3, 2024:Garo Hills-ni dingtang dingtang NGO-rang jekai GSU CEC (T), FKJGP, ADE, AYWO, NTDF, GSU CEC (Z) aro gipin Social Organisation-ni dilgiparang da·al December 3 tariko State Reservation Policy (SRP)-ni Expert Committee-ko Tura DRDA conference hall-o gronge, Job Reservation Policy-ni Status Quo-kon rakkiangkuchina didiangaha.
Garo Hills-ni dingtang dingtang NGO-rang, Social Organisation-rang, State Reservation Policy (SRP)-ni bidingo Public Hearing-ko salgnina ong·atanganio, Expert Committee (EC)-ko gronge agan ku·pattianirangko on·atengon, Job Reservation-ni Status Quo (SQ)-ko maming dakeba dingtangatgija mikkngchiba apsankon rakkiangkuchina mol·molangaha.
State Reservation Policy-ko 1972 bilsionin Meghalaya a·dokni gitcham political dilgiparang niksamsoa gnang Garo-rangna 40%, Khasi aro Jaintia-rangna 40%, Schedule Caste aro OBC-na 5% aro Unreserved ba General-na 15%-ko chame donangaha, uko maming dakeba dingtangatjachina NGO-rang Expert Committee-ko mol·molangaha.
NGO-rangni mongsonggipa dabianiara, State Reservation Policy-ko dingtangatgija, skangoni jedake ong·baengachim, apsan Status Quo-kon rakkiangkuchina ddidiani ong·a. Ia SRP-ko dingtang dakgenchimode, mikkangchi Meghalaya a·doko songdongenggipa manderangna neng·nikani aro gimaani ong·gen ine Job Reservation Policy-ni bidingo Expert Committee-na agan talataniko on·ataha.
