Tura, Oct 19, 2024: Garo Hills Autonomous District Council (GHADC)-o kam ka·giparang Non-Gazetted Employees Association (NGEA)-ni gitcham President Senora Jhony Arengh-ko kamo ra·pilchina Meghalaya High Court, GHADC-na ge·etaniko on·ataha.

NGEA-ni gitcham President Senora Jhony Arengh-ko 2021 bilsio, GHADC-ni Executive Committee aro officer-rangni kosako kragija matnanganirangko dakaha ine kamoniko ra·galahachim.

Ua somoio GHADC-ko chalaienggipa Executive Committee-ni Show Cause Notice-ko on·ahani gimin, ua EC-na aganchakani aro talatanirangko on·ahachim, indiba uni talatanirangko jegale, uko kamoniko ra·galaha. Senora Arengh an·tangni kamko bon·atani ja·mano ua, Meghalaya High Court-o badi ka·aha aro uni mamlako Ukil P.T Sangma, High Court-o dakgrike, da·o una kakket bichalko man·pile on·aha.

Da·o Senora Arengh, uni pilak man·gnirangko man·pila baksa kamo ra·pilchina Meghalaya High Court, GHADC-ni Executive Committee-na ge·etaniko on·ataha.

GHADC-o kam ka·enggiparangni dormaharangko on·jaengani gimin, re·anggipa 2021 bilsio NGEA, kamrangko ka·gija jingjengataniko dakahani gimin NGEA-ni dilgiparangna GHADC-ni Executive Committee, Show Cause Notice-rangko on·aha aro uamangni aganchakanirangko chu·ongnikja ine matnangenba, NGEA-ni gitcham President Senora Jhony Arengh-ni kamko chu·gimik bon·atenba, gipin NGEA-ni dilgiparangko kam dondipatahachim. Indiba mitam NGEA-ni dilgiparangkode ja·man kamo ra·pilaha.