Williamnagar, Oct 17, 2024: East Garo Hills a·jani ning·o donggipa Karubra songo Member of Parliament Local Area Development (MPLAD) Scheme-ko ong·gija jakkalsretani gimin, Meghalaya Pradesh Youth Congress (MPYC) raken jegalataha.
MPYC-ni General Secretary Affort T.Sangma-ni parakatani gitade, je songon MPLAD Scheme-ko ka·ahachim, ua scheme-ara gitcham MP Agatha K.Sangma-ni somoio on·gipasa ong·achim. Ua Scheme-ko ka·na gita Nokmani maming NOC gri kam ka·aha.
Iandakgipa kamna Karubra songni Nokma suk ong·gijaniko parakatan baksana ua kamko ka·ani ja·man, sign board-o gital MP Saleng A.Sangma-ni bimingkosa seaha ine parakataha.
Ua Scheme-ara Agatha Sangma-ni somoisa on·ahani gimin, sign board-oba Agatha Sangma-ni bimingsa ong·na nangachim. Indiba re·anggipa June 4 tariko gital seoka man·gipa Tura-ni gital MP Saleng A. Sangma-ni bimingkosa seskaha. Saleng A.Sangma da·odipet maming Scheme-koba on·a dongkuja. Indake ong·gija kam ka·aniara ra·chakna man·gijani ong·a ine MPYCC dilgipa jegalataha.
