Ampati, Dec 12, 2024: South West Garo Hills a·jani Mahendraganj-o donggipa Jawahar Navodaya Vidyalaya (JNV) Skulo Bharatiya Bhasha Utsav-ni bak gita Butbar salo Subramania Bharati-ni atchiani salko maniangaha.
Indake, JNV-ni Principal Abdul Gani, Subramania Bharati-ko mande ra·e, uni Noksa sambao chakki so·e, una bibalrangko done manianiko a·bachengdilaha aro chatro chatrirang, uamangni changa sapa gita dingtang dingtang ku·sikrangchi gitrang ring·e, golporangko agane dakmesokangaha.
Uandake, JNV Skulni PGT Hindi Arvind Kumar Yadav, Subramania Bharati-ni janggi tangani aro a·songna on·gilani gimin agan talate on·angakaha.
