Resubelpara, Sept 17, 2024: North Garo Hills a·jani gipin gipin songrango JJM-ni kamrangko ka·e matchotangahaoba, Kharkutta constituency-ni ning·o donggipa song dam 7-ko watchanggalenga, da·onaba JJM-ni kamrangko a·bachengatkuja ine Depa Sarangma-ni Sorder Association koborna u·iataha.
Sorder Association-ni u·iatani gitade, Kharkutta jolo donggipa dam 7 songrango JJM-ni kamrangko da·onaba a·bachengatgija, watchanggalenggipa dam 7 songrangara Depa, Depa Sarangma, New Sarangma, Garat, Chima A·pal, Dangkong Garo aro Dangkong Rabha ong·achim.
Uni gimin, ia watchangenggipa JJM-ni kamrangko ta·rake sandiatpachina, PHE Minister, North Garo Hills-ni Deputy Commissioner aro PHE department-ni Executive Engineer-na Sorder Association badi ka·e, lekka sedoatahachim. Indiba da·alona kingkingba maming aganchakaniko on·kuja aro ja·ku de·aniko dakkuja ine Sorder Association suk ong·gijaniko parakataha.
“Ia dam 7 songrango JJM-ni kamrangko ka·china, gong kror 8 tangkarangko chamataha. Indiba da·alona kingkingba kamko a·bachengkuja” ine Sorder Association parakataha.
Maini gimin ia dam 7 songrango JJM-ni kamrangko a·bachengatkuja, ta·rake kamrangko ka·atpachina Sorder Association, bil gnanggipa District Administration, aro department-ni officer-rangko mol·molatahachim, indiba, darangan Sorder Association-ni mol·molaniko knachakjaha ine u·iataha.
