New Delhi, April 23, 2025: Monggolbar salni 2:30 bajimango South Kashmir-ni Pahalgam minggipa tourist biapo bobil dolrangni chdrapanio komibeoba sak 26 manderang so·otako man·aha aro gipin sak 10 manderang saknaako man·aha. Saknaako man·giparangoni sakgnde namjabatgipa obostao ong·enga ine pulisrang parakaha.

Koborni gitade, Pahalgam minggipa songni ka·mao donggipa Baisaran-ona re·gipa rama namgijao bobil dolrangni rangsan tourist-rangko chadrape silai gooaha aro .saknaa man·gipa manderangko bakan hospital-ona ra·angaha.

Gipin a·songoni biap nina re·bagipa tourist manderangko ka·saninggija Baisaran-o chadrape silai gogipa bobil dolni sakgni ba sakgittam manderangko Pulis rim·aha ine senior pulis officer saksa kobor ra·timgiparangna aganaha.

“Chingni dingtangmancha report man·ani gitade, sakchet tourist-rang bobil dolrangni chadrapanio saknaako man·aha. Uarangoni adita sak tourist-rang saknaako man·aha aro namgija obostao ong·engaa” ine pulis officer parakaha.

:Intelligence Bureau (IB) official-ni parakani gitade, sakgni security-rang so·otako man·aha aro uarangoni saksa Manish Ranjan jean Hyderabad-o India’s Internal Inteligence Agency-ni Section Official chadrapanio so·otako man·aha..Ranjan, chutti ra·e uni jikgipa aro dedrang sakgni baksa Pahalgam-o roengengmitting somoio uni skoo guli nange siaha, indiba unbaksa dongpagipa nokdangni manderang rasong gnangbee bobil dolrangni chadrapanio janggi jokaha.
.
Komibeoba sakdok bobil dolni manderangko man·chape sakgni Pakistan a·songo skie ra·gimin Kashmiri-rang, Baisaran A·kaweo jinma tom·dakenggipa tourist-rangko chadrape silai goaha. Baisaran A·kaweara namen mingsinggipa aro rona an·senggipa biap ong·achim, salati sak ritcha bate tourist-rang ua biapko nina re·barongachim.

Kashmiri bobil dolrang chadrapanio donga, uamang 2017 bilsio Pakistan a·songona skie ra·na re·angaha aro uamang bon·kamgipa batch-ni foreign terrorist-rang ong·a ine kobor ra·timgiparangna aganaha.