Shillong, May 3, 2025: Champengako man·gipa Hynniewtrep National Liberation Council (HNLC) bobil dolni sakgni manderangko Ri-Bhoi Pulisrang rim·aha ine SP V. Rathore u·iataha.
Rim·a man·gipa manderangara Pyndapbok Makri aro Lary Pynkmen ong·achim aro uamang Nongshli-oniko, tangka gildrae ra·na jotton ka·engmitting somoio Ri-Bhoi a·jani pulisrang rim·aha.
HNLC bobil dolni manderang, Ri-Bhoi jolrango bading chiwalgipa manderang aro sorkari Official-rangoniko tangka dabidrae ra·engachim. Bading chiwalgiparang aro official-rang, HNLC bobil dolni tangka dabiako on·jaode, nokdangni manderangko ba mahari ma·drangko so·ote galna ka·mikkenatenga ine koborko man·soani ja·man, pulisrang dingtangmancha am·sandianiko dakaha aro bobil dolni manderang tangka gildrae ra·mittingko, Lad Quinine-o Makri-ko rim·e, sing·sandianiko dakenba, East Jaintia Hills a·jani Pulisrangni dakchakanichi, Umtyra aro Nongshli-oniko rim·aha.
Bangladesh-o donggipa HNLC bobil dolni manderang, a·jao bading chiwalengipa Khasi-rang aro official-rangna ka·mikkenatani kattangko WhatsApp gita watenga ineba SP parakataha.
Bobil dolni manderang jolni chadamberangko tangka ra·na watatrongachim. Bangladesh-ni HNLC bobil dolni member-rang chadamberangko tangka gilna jakkalani a·sel, chadamberangba ta·rake tangkana mikboke rim·a man·aha ine SP parakataha.
