Gasuapara, May 6, 2025: South Garo HIlls a·jani ning·o donggipa Gasuapara A·king Nokma Tra AM Sangma aro Rongsepgre A·king Nokma Pitherson D.Sangma baksa Gasuapara jolo songdongenggipa manderang aro dingtang dingtang NGO-rang jekai GSU, FKJGP, AYWO, AHAM, ADE, NGCO, GES baksa tom·e chanchirimaniko dakenba adita niamrangko ra·gataha.
Koborna u·iatani gitade, Gasuapara aro Rongsepgre A·king Nokmani ning·o pilak songsalni nanga kamrangko ka·na aro dingtang dingtang songsalni ra·chakna amgijagipa kamrangko warachakna gita Nokmarang aro NGO-rang tik ka·e donangaha.
Uamangni tik ka·ani gitade, Gasuapara jolo gital NGO dolrangko kulina man·jawaha ine niamko ra·gate donaha. Indiba Gasuapara jolo kulikuqijagipa NGO-rangko kulina on·jawaha, “Da·aldipet Gasuapara jolo gital NGO-rangko chinga kulina on·jawa, kuligimin NGO-rang baksa nangani somoio bakrime kamrangko ka·na chinga kusi ong·a aro man·a dipet, pilak A·chik dilgiparang baksaba songsalni, jatni namgnina kamrangko ka·angkugen” ine song damgnini Nokmarang parakataha.
