Ampati, May 22, 2025: South West Garo Hills a·jao songdongenggipa manderangni complaint-rangko man·soanj ja·man, Civil Society A·chik Welfare Organisation (CSAWO), HQ Ampati aro A·chik Progressive Approach (APA), South Western Zone, Ampati, Butbar salo a·dokni Skotong Minister Conrad K.Sangma-na Deputy Commissioner-ni jak gita lekka sedoataha.

South West Garo Hills-o manderangni mongsonggipa neng·nikanirang aro dabianiarangara Betasing PHC-ko CHC-ona ra·doe on·china, Ampati Mini Stadium aro Betasing kal·chakram biapko Artificial Turf tarichina,
Marakapara aro Chilapara songrango mobile tower songe on·china, Banduraja-oni Gimbilgre gita Ampati-ona re·gipa ramako black topping on·china, Betasing-oni Mellim-ona gital tarienggipa ramako black topping on·china, Baishpara Health Sub Centre-ko Primary Health Centre-ona ra·doe on·china, Thakunbari songo gital Pulis Out Post-ko songchina aro Kalaichar Primary Health Centre-ko Community Health Centre-ona ra·doe on·china dolgni NGO-rang Skotong Minister-ko didiataha.