Tura, May 4,2025: A·dokni Skotong Minister Conrad K.Sangma, Chief Minister’s Special Development Fund (CMSDF)-ni tangkachi rikgipa Goanang Multi Facility Centre-ko Sonibar salo re·ange nieaha.

Skotong Minister dingtang dingtang Development-ni kamrangna dingtangmancha Chief Minister’s Special Development Fund-oniko Araimile Govt LP Skulko namdapatna aro Araimile Secondary Morning Skulni pakmako tarina gong lak 18 tangkarangko on·ataha. Sangma ua skul nokkona Sonibar salo niangjolaha.

Unbaksana, apsan somoion, Goanang-o donggipa Botanical Garden-koba niangjolaha. Ua Botanical Garden-ko manderang ong·gija kamna jakkalenga aro uan manderangni nikanio ong·sianiko ra·baenga. Uni gimin Forest Department jako ra·e nirokaniko dakenba, Botanical Garden-ko fencing ba guari kadule rakkichina aro manderang re·na rama tarichina Skotong Minister didiangaha.