Phulbari, Oct 5, 2024: West Garo Hills a·jani ning·o donggipa Chibinang Primary Health Centre (PHC)-na ambulance gari bolsako on·china dingtang dingtang NGO-rang, dabiani ja·mano Phulbari NPP Block President Arbistone A.Sangma-ba, Chibinang PHC-na ambulance bolsako on·atchina a·dokni Skotong Minister Conrad K.Sangma-ko mol·mole, re·anggipa September 1 tariko lekka seataha.

Arbistone A Sangma-ni Skotong Minister-na seatgipa chittio janapatani gitade, Chibinang PHC-o ambulance gari dongjani a·selan sagipa manderangko mongsongbate, an·o donggipa mechikrangko hospital-rangchi salrurana nangan somoirango Chibinang aro uni wilwilao songdongenggipa manderang namen neng·nikanirangko chagrongna nangtokenga.

Uni gimin, iandakgipa neng·nikanirangko chagrongenggipa manderangni namgnina, ambulance gari bolsako Chibinang PHC-na on·atpachina, Phulbari NPP Block President Skotong Minister-ko mol·molataha.