Williamnagar, Dec 13,2024: Chang 152-gipa A·chik Matgrik Pa Togan Nengminja Sangma-ni siani salko gisik ra·e, Bristibar salo, East Garo Hills a·jani Chisobibra-o maniangaha. Ia salko manianio, a·dokni PHE Minister aro Williamnagar-ni MLA Marcuise N Marak, mongsonggipa sokgipa ong·e bak ra·angaha.
A·dokni PHE Minister Marcuise N Marak, mongsonggipa sokgipa ong·e, jinmana aganprakangengon, British-rangni A·chik a·songko dokkor ka·aoni jakgitelna Pa Togan Nengminja Sangma-ba a·song aro jatna bang·en on·gilaha aro A·chikrangko bigil gipok jatrangni sasononi jakgitelna dakgrikdilaha.
Ia chang 152-gipa Pa Togan Nengminja Sangma-ni siani salko gisik ra·e manianio Garo Hills Autonomous District Council (GHADC)-ni Chief Executive Member (CEM) Albinush R Marak, GHADC-ni Deputy CEM Nikman Ch Marak, Pa Togan Nengminja Sangma Mahari Association (PTNSMA)-ni President, Secretary aro gipinrang dongpae bak ra·angaha.
