Tura, Oct 6, 2024: Garo Hills-o dondikpilgija mikkarang jimbee waanichi South Garo Hills a·jani Gasuapara Pulis Station-ni ning·o donggipa Ruga, Atisia Songmong songo nokdang ge·sako Sonibar pringo a·a rudape sak 7 manderang janggitangko gimaataha aro uamangni manggisiko Sonibar attamchibara chel·chakgipa dolrang a·a dapgiminko ra·ongkatna man·aha ine kobor man·aha.
Ia a·sel ong·anio nokdangni sakgittam bi·sarang janggitangko gimaataha.
A·a rudape sianggipa nokdangni sak 7 manderangara bilsi 60 ong·gipa Silje R. Marak aro bilsi 39 ong·gipa uni demechik Merina R. Marak, bilsi 50 ong·gipa Sama N. Sangma, bilsi 22 ong·gipa Chengbe R. Marak, bilsi 14 ong·gipa Desrang R. Marak aro bilsi 8 ong·gipa Silbera R. Marak aro bilsi 1 ja 6 ong·gipa Dimse R. Marak ong·achim.
