New Delhi, Sept 17, 2024: Aam Aadmi Party (AAP)-ni dilgipa aro Delhi-ni Skotong Minister Arvind Kejriwal salgnini ja·man Delhi-ni Skotong Minister-ko watgen ine September 15 tarik Robibar salo parakatenba, Monggobar salo Delhi-ni Lieutenant Governor VK Saxena-ko gronge, an·tangni Skotong Minister-ko watani chittiko on·eaha.

AAP Legislature Party aro MLA-rang Monggolbar salo tom·e chanchirimaniko dakenba, AAP-ni senior dilgipa Atishi Marlena Singh-ko Delhi-ni gital Skotong Minister-na seokaha.

Atishi, Special Assembly Session-ni ja·man, ia September jaon ku·mikchetaniko dakna ka·dongenga. Delhi-ni gitcham me·chik Skotong Minister Sushma Swaraj aro Sheila Dikshit-ni ja·mano, Atishi Marlena Singh Delhi-ni gittamgipa Skotong Minister ong·aha.

AAP-ni dilgipa aro Delhi-ni gital Skotong Minister Atishi an·tangan dilgipa ong·e, mongsonggipa portfolio-rang Finance-ko man·chape Education aro PWD-ko jako ra·gen.

Arvind Kejriwal, Delhi-ni manderangoniko “Certificate of Honesty”-ko man·kuja dipetna, an·tangni kamona re·bapiljawa ine parakataha.

Unbaksana Kejriwal re·baenggipa November jao Assembly Election-ko ong·atchina, Election Commission-ko didiataha.